العقل الباطن ادخلوا ومابتندموا بس بتستفيدوا كتير

[××خواطـرشـوق××]

قبل ربع ساعه قبال قاعه الإمتحان

ساره : وش تعريف النظام ؟

لمى : ساره قلت لك إياه مرتين

النظام هو : مجموعة القواعد العامه ...

ساره : مجموعة القواعد ,, الأيش؟

لمى : يوه وش قصتك أنتي ؟

ساره : يـ أختي قلت لك صعب صعب مستحيل ينحفظ

لمى : لا موب صعب انتي متخيلته صعب ويمكن ما يجي




بعد الإمتحان

لمى : جانا النظام , , هاه بشري تذكرتيهـ ؟

ساره : لا حاولت بس احسه طار من مخي قلت لك صعب ما ينحفظ


___________________



كيف حالكم جميعاً ؟
وكيف حوسة الاختبار والقلق الله يعين الجميع, ,


كثير مننا يصيرله مثل موقف ساره نحط ببالنا انو هـ الشي صعب وخلاص بعدها ما نقدر نستوعبه

تدرون ليه ؟

لانو هـ الفكرهـ اوحيناها لعقلنا الباطن وسجل عنده ان هـ الشي صعب

فـ تلقائياً اول ما يقابلنا ترسل لنا الرساله الي سجلناها
" صعب ما ينحفظ " وفعلاً ماراح نقدر نحفظه مهما حاولنا , ,


حابه اتكلم معاكم عن شي فينا بس مغمور مسكين محد يهتم فيه الي هو

" العقل الباطني " ( اللاوعي )

للأسف كثير مننا مهمله وما يدري انه مركز طاقه ضخم جداً



تخيلو معاي ان كل واحد مننا جواته كنز له لوحده قادر يآخذ منه بالكميات الي يبيهـا وبأي وقت بدون لاينقص !

شي خيالي بس هو واقع خلونا نعرفه سوا






نعرف ان العقل الباطني مو شي محسوس

يعني لا هو المخ ولا العقل الواعي

العقل الباطني هو مركز: العواطف \ الإنفعالات \ ومخزن الذاكرهـ \ مركز الإبداع


تخيلوا ان عندكم قطعه أرض كبيره وتبون تزرعونها شي طبيعي انو لو اخترنا برتقال بيطلع برتقال موب طالع لنا تفاح !

عقلنا الباطني زي هـ القطعه بالضبط الي تبيه يطلع لك ازرعه فيه




* معنى هيك انو عندنا عقلين ؟!


اي نعم

واحد موجود الي هو " العقل الواعي " وهذا مسؤول عن القرارات اليوميه والي تعودنا عليهـا

والبطل ( نفسي أو حسي ) " العقل الباطني " مسؤول عن مواجهة المواقف المفاجأه

بس تراهم اصدقاء بالحيل , ,

لو عرفنا نوازن بينهم راح يشتغلون سوا بإنسجام وهدوء وراح نتفاجأ بالنتايج

العقل الباطني : راح تكون مهمته ارسال الإيحاءات الي تخزنت فيه لـ العقل الواعي

مثلاً

" بأحل كويس "

العقل الواعي : ينفذ وراح يكون حلنا كويس فعلاً







عن طريق الإيحــاء


والإيحـاء :

هو عملية عقليه نتقبل من خلالها الفكره الي اوحيناها لأنفسنـا

الإيحاءات الي نرسلها لعقلنا الباطني هي الي تتحكم بمسار يومنا

بكيف راح نقدم البرزنتيشن تبعنا , , بكيف راح نجتاز المقابلة الشخصيه

بـ وبـ ,,, دا العقل الباطني ولد كويس أوي








بكل شي

تعرفون ترزر العيدي << لا يقرآها بابا والفريان


عقلنا الباطني ولا شي عندهم ابد عكوز بكوز بكل مكان مركوز


خل نشوف سوا






بحكي لكم موقف صار لي شخصياً

السمستر الي فات كانت اول مره اقدم برزنتيشن قدام عدد كبير

كان الحضور فوق 100 نفرهـ , وكنت أمثل قسمي

الموقف ضخم ويخوف

بالبدايه سمحت للخوف يدخلني والله لا يوريكم يديني بدت ترجف صرت اتنفس بسرعه !

وكان باقي على تقديمي 10 دقايق بس

حسيت كل الكلام طار , حسيت صوتي موب طالع

استأذنت من القروب الي معاي وطلعت برا القاعه,

جلست على كرسي لوحدي غمضت عيوني وبديت اتنفس بهدوء , ,

لما هديت شوي بديت اشتغل على المرحلة الثانيه الي هي اني ارسل رسايل ايحاء ايجابيه لعقلي

" ربي معاي , , انا متدربه قبل , , انا قادره اعملهـا , , الحين بدخل بهدوء بآخذ نفس عميق وببدأ وبيكون صوتي واضح وبقدم بشكل رائع بإذن الله "

شوي الا مناديني جاء وقتي , , ما سمحت لنفسي ارتبك واضيع الي عملتهـ

دخلت بهدوء وفعلاً كل الي اوحيته لعقلي تم ولله الحمد وكان العرض رائع بفضل من الله


بحالتي الأولى كان راح يطلع عرض سيء وراح اخيب ظن الناس الي وثقت فيني ورشحتني

كنت مضطره اسوي تغيير والي هو كان عن طريق

" الإيحاء الإيجابي "













خالد موظف في البنكـ راتبهـ 7 الآف

زوجته أريج كل يوم تزن على راسهـ تبي ساعهـ من الدهام مثل أحلى من ساعة بنت عمها


على العشاء جالسين عند التي في هي وخالد

تبدأ تبدأ موال كل يوم


أريج : خالد حبيبي تذكر الموضوع الي كلمتكـ فيهـ امس

خالد ( مسوي مركز مع التي في كودها تهون ) : اي موضوع

أريج : الساعهـ يووهـ نسييت

خالد : هـاهـ اي ساعه

أريج : اي استدلخ لي يعني اني ماني فاهم أصلاً انت كذا تدور الي يغثني لو شايف نوفوهـ وهي تقلب يدها يمين وشمال تبينا نشوف الساعهـ ما سويت فيني كذا

خالد : اسوي فيك ايش ؟ انت ما تقدرين ظروفي راتبي 7 الآف وتبين ساعهـ بـ 10 يعني بتصفرين الراتب وتبين فوقهـ ثلاثة الآف كمان ارحميني

أريج : أرحمكـ من ايش انت الي ارحمني من عيشة الفقر الي معيشني اياهـا العالم سفرات ومجوهرات وفساتين كل واحد اغلى من الثاني وانا يا حظي بس

خالد : ياحظك اجل احمدي ربك غيركـ يحسدكـ على العيشة الي انتي فيهـا

أريج : يحسدني على وشو ياحظي على الخدم والحشم الي ماليين بيتي خلنا ساكتين بس

خالد : أوف منكـ حرمهـ نكد نكد


طععععع<< صوت الباب يطلع من البيت معصب وموصل حدهـ



يدق على صديقهـ عمر ويتقابلون يحكي لهـ السالفهـ كلهـا

عمر : طيب ليش ما تحاول تضبط اعصابكـ

خالد : اضبط أعصابي !

تستهبل انت عقب الي قلته لك تقول لي اضبط اعصابي تحمد ربها ما كفختها

عمر : اوف اوف كل هذا عشان ساعهـ يا سيدي وربي ما تسوى

خالد : وربي عارف انها ما تسوى وانا مليت كل يوم نتخانق على هـ الساعهـ الله لايعيدها

عمر : طيب راح اقول لك على طريقهـ بتريحكـ


حكى عمر لخالد عن الايحاء وعطاهـ جمل يرددها قبل لا يرد على زوجتهـ


من بكرا

أريج تجلس جمب خالد " تبي تبدأ الهجوم على هـ المسيكين "


خالد يكلم عقلهـ : " الحين بتحاكيني عن الساعهـ , , بخليها تكمل كلامها وبجاريهـا , , بنهي الموضوع على خير ,, وهـ الليلهـ ما راح نتخانق بإذن الله "


أريج : خلود عمري فكرت أمس بالي قلت لك عليهـ يعني يرضيكـ زوجة خالد ما تتكشخ بساعة جديدهـ شف شف بالله موب هـ اليد الحلوهـ تستاهل ساعهـ حلوهـ < <فيس خالد ودهـ يقول يع


خالد ( خلاها تكمل كلامها ولف بهدوء عليهـا ) : فعلاً وتستاهل أكثر كمان يـ قلبي خلاص وعد ان ربي سهلها اجيب لك احلى من ساعة نوف بمليون مررهـ


أريج : صدق ربي يخليكـ لي ولا يحرمني منكـ


لعب عليهـ


كان ممكن خالد يتنرفز يرد زي كل مرهـ وتنقلب نكد لكن هـ المرهـ اوحى لنفسهـ قبل لا يبدأ حكي انه ماراح ينفعل ويبي هـ الليلهـ تعدي على خير

وفعلاً تم الي يبيهـ

[××خواطـرشـوق××]

قدامها ورقة الإمتحان تغمض عبير عيونها شوي وتبدأ تكلم عقلهـا

" ربي معاي , , تعبي ماراح يضيع إن شاء الله , , أنــا ذاكرت كويس , , لميت بكل جزيئات الكتاب اي شي يجي بعرفهـ إن شاء الله , ,
هدوء عبير الشاطرهـ ونقول بسم الله "

تفتح قلمهـا وتبدأ تكتب اسمهـا تحل بكل هدوء وتسلم ورقتهـا

تطلع نتايج الامتحان عبير أعلى وحدهـ بالشعبهـ !



ليهـ ؟ بسب الرسايل الإيجابيه الي ارسلتها عبير لعقلهـا















يوم السبت الساعهـ 6

مرام تقول على صوت المنبهـ تجلس في سريرهـا شوي تآخذ نفس عميق وتقول " يومي حلو بإذن الله " وتنهي جملتهـا بإبتسامهـ

تروح على الجامعهـ كل شي حولي صاير حلو وتتقبلهـ

المحاضرات تستمتع فيهـا

صاحباتها يقولون لهـا ماشاء الله منور اليوم وجهكـ يـ مرام

ترجع من الجامعهـ تفتح النت تلاقي موضوع كاتبتهـ أمس تثبت !

ماما عملت لهـا الأكلهـ الي تحبهـا

على المغرب تعمل كيكهـ لاول مرهـ وتضبط !



تنسدح على سريرهـا تفكر بيومهـا الي كان كلهـ مليان مفاجأت حلوهـ

نست الي سوتهـ الصباح قل لا تقوم من سريرهـا

فجأهـ تذكرتهـ وتوعد نفسها انها كل يوم راح تعملهـ , ,






في مكان آخر

الساعه 6 يدق منبهـ حنان تلف بنفخهـ وتسكرهـ

بعد عشر دقايق يدق مرهـ ثانيهـ

تمسكـ الجوال وترميهـ " يوووووووووووهـ حتى انت ما تتركني انام "

تفتح عليهـا أمها الباب يالله حنان تأخرتي !

يالله ابو القرف وش ذا اليوم الي موب نافع من أولهـ

بطريق الجامعهـ ينزحم الخط

حنان : كملت ! ناقصتكم انا

تدخل الجامعهـ فاتتها المحاضرهـ الأولى

صاحباتها " وش فيكـ حنان شكلك اليوم مو حلو ابد "

بـ المحاضرات تحس الوقت بطيييييء

ترجع البيت تبي تفتح النت النت خربااان << والله انها ازمهـ

تنزل تبي تتغدا أهلهـا مسوين سمكـ وهي عندها حساسيهـ منهـ

تطلع لغرفتهـا " وش ذا اليوم المعفن "

على المغربيهـ تبي تعمل لهـا خفايف وتحرقهـا !


بـ الليل تنسدح تبي تنام وتفكر بيومهـا الي كان سيء لأبعد الحدود

تتذكر كيف قامت الصباح وايش قالت وتوعد نفسهـا انها ما تتكررها عشان ما ينعاد مثل هـ اليوم



الفرق بين المثالين " جملهـ " انقالت مع بداية اليوم وتحكمت بمسار اليوم كلهـ










تعرفون لما نبدأ نعمل سبورت ونبغى نسوي تمرين معين

اول شي نبدأ بـ خمس مرات , , بعد يومين نخليهم سبع , , بعد يومين 10 وكذا لين نوصل لـ 15

مع عقلنـا الباطني وعشان نخليهـ يخدمنا على أكمل وجهـ لازم نبدأ حبهـ حبهـ


نبدأ بالأشياء الي حولنـا ونختار الحاجات البسيطهـ


جداول الفايلنز عملتوها ؟

الي عملها والي ما عملهـا احرصوا تحطون بنهايتهـا جملهـ تأثر فيكم وتحبونها واهم شي تكون محفزهـ لكم

مثل



" قطرة المطر تحفر في الصخر .. ليس بالعنف ولكن بالتكرار "

" قضت الحياة أن يكون النصر لمن يحتمل الضربات لا لمن يضربها "

" أن المتسلق الجيـد يركـز على هدفه ولا ينظـر إلى الأسفل "

" انا أحاول .. وأحاول .. ولا أيأس فـ أليــأس قوة الضعفاء .. "

" أن اشد الصعاب تهون بابتسامه إنسـان واثق .. "

" لن ينكسر قارب الحياة على صخرة اليأس مادام هناك مجداف اسمه الأمــل "






قبل لانمسكـ الكتاب خلونا ندردش مع عقلونا شويهـ

" اليوم بذاكر قانون إداري , , الدكتورهـ واعدتنا بأسئلهـ سهلهـ ,, المادهـ ممتعهـ وفيها جوانب حلوهـ ,, الحين الساعهـ 9 الصباح ومعاي وقت طويل وبخلصهـ بإذن الله "





وورقة الإمتحان قدامنـا

خلونا نكون هاديين ونآخذ وقتنــا الاستعجال والربكهـ تضيييع كل الي عملناهـ

" نقرأ المعوذات ,, نشوف وش اخبار عقولنا مستعدين ,, انا بطلهـ وببدع بإذن الرحمن , , "

ونقول بسم الله ونبلش وبإذن الله دربكم خضر



العواطليهـ


بدل ما يكون اليوم ممل والروتين يذبحكم الصباح قبل لا تقومون من اسرتكم " الي توكم مغيرين مفرشهـا " ابتسموا حاكوا عقولكم

" اليوم بسوي حاجات حلوهـ "

وصدقوني لو تعيدون نفس الحاجات الي تعملونها كل يوم بتحسونها حلوهـ وبستمتعون فيهـا




قواعد مهمه :





العقل الباطني مثل الإسفنجه اي شي بنحط فيهـ بيمتصه

لذلكـ لما نبدأ بالإيحاء وارسال الرسايل لهـ لازم نركز على اننا ما نحط كلمات الاحتمال بجملنا لانه يعكسها " لا "

مثل " بسوي كيكهـ << وش ازين مشتهيه كيكهـ ويمكن تضبط ما اعرفش "

يمكن ذي تنقلب "ماراح تضبط "





1 - رسايلنا للعقل الباطني لازم تكون عباراتهـا

" حازمهـ \ جديهـ \ واثقهـ "

2 - لازم نذكر كل التفاصيل " بدخل مكتبي بهدوء , , بصبح على الموجودين , , بصلح قهوتي وبشربهـا بروقان , , وابدأ يومي الحلو بإذن الله "

يعني نحرص اننا نذكر كل الخطوات الي بنسويهـا عشان العقل تلقائياً اول ما نبدأ بأول خطوهـ " بدخل مكتبي بهدوء " ينفذ كل السلسهـ الي بعدها بنفس الترتيب وبنفس ردود الفعل الي خزناها بعقلنــا


3 - العقل الباطني كمخهـ

كمخهـ = طيب جداً وينلعب عليهـ

لذلك استغلوهـ أيمـا استغلال


4 - ( مستحيل \ صعب \ طويل ) كلمات لازم تنسمح من قواميسنــا

لانو بالفعل ما فيهـ شي مستحيل

( ايمان بالله \ ثقهـ بالنفس \ ثقهـ بالقدرات \ عزم \ اصرار )

وبنقلى هـ المستحيل حقيقهـ قدامنـا وبنقدر عليهـ بعون الله




هـ الموضوع الي تقرونه هو تجربهـ كمان للإيحاء الإيجابي

اول ما فتحت البوكس والأفكار مسويهـ زحممممهـ بعقلي

كنت اقول

" يووهـ بيطلع ملخبط ,, وطوويل يبي لهـ وقت بخليهـ بعد الإمتحانات "

بس بدلت كلامي " الموضوع وقتهـ الحين , , ارتب افكاري على جمب بعناوين رئيسية وبعدها راح اكتب التفاصيل وبيطلع حلو بإذن الرحمن "


وهذا هو والحمد لله تــم , ,

أتمنى ان تستفيدون منه..وأنا عن نفسي أستفــد.

[ضيف الله مهدي]

العقل الباطن أحد المفاتيح العظمى في الوصول إلى الحقيقة ،وهو أهم صديق وفي ومفيد للإنسان
ويقول البعض : أنه النفخة من الله في الإنسان ، ومصداق ذلك قول الله تعالى : ( ونفخت فيه من روحي )
إذن كل إنسان في جوفه ( من روح الله) 0
وهذه الروح هي سبب كل المعجزات فهي من الله سبحانه وتعالى0
ولذلك يجب على كل إنسان التركيز والتعامل معها برقي وبلباقة وبطهر وزكاء 0
واليك بعض التوجيهات لكي تتعامل مع الروح والعقل الباطن لتصل إلى غايتك بأقرب الطرق وأكثرها أماناً:
1ـ يجب أن تعمل على تطهير الروح بالطريقة الصحيحة كما تطهر ثوبك وتحمي جسمك من الأمراض:
وبما أن الروح هي أهم الأجزاء في الإنسان فيجب أن نحرص بشدة على تلقي الطرق الصحيحة لتطهيرها والعناية بها ، ولكن عقلنا إلى الآن لم يدركها فكيف نعتني بها!!؟ يقول الله تعالى : ( ويسألونك عن الروح قل الروح من أمر ربي وما أوتيتم من العلم إلا قليلا ) 0
ومن نعم الله على بن آدم أن أرسل إلى كل أمة رسول يعلمهم ذلك التطهير وتلك التزكية 0والله سبحانه أعلم بالأرواح وأعلم بالطرق الروحية والعملية التي تجعلها في قمة التزكي والطهر والخير والطاقة ، قال تعالى : (قد أفلح من تزكى) وقال أيضا : (ويطهركم 00) 0
فشيء مهم أن تسعى وتتعلم وتطبق هذه الأعمال والأقوال التي تزكي روحك فضلاً عن كونها تقربك إلى الله وهو هدف أسمى وغاية عظمى ، وعمل يخدم أهدافك بشكل مذهل0
2ـ إن عقلك الباطن فطري بمعنى أن كل عمل وقول تعمله يجب أن يوافق الحق قدر المستطاع 0وإلا أحدث تناقضات وتشويش فيه وأصبح يعمل ببعض طاقاته وليس كلها!!
فإذا مارست الكذب مثلاً أو الخداع والظلم فأنك تعذب ضميرك وعقلك الباطن ولا يمكن أن تحصل على الدرجات المطلوبة من الطاقة والكرامات والخوارق التي تنشدها 0 لسبب بسيط ، وهو أنك تعاكس تياراته وتعاكس اتجاهات العقل الفطرية 0 فيجب أن تتحرى الحق وتتعود عليه وسيسهل عليك 0
3ـ إن عقلك الباطن يساعدك على ما تكرره وتعوده عليه عندما يرى فيك الجد والعزم والاستمرار ، فعندما تريد التحوّل مثلاً من رجل كاذب ومخادع وخبيث وشرير ، أو أي سلوك خاطئ إلى رجل صالح ورزين ، و سوي ، فافعل ذلك وجاهد نفسك عليه وكرر وتب إلى الله واعمل التطبيقات الموافقة للهدوء ومثلها وكررها واستمر عليها 0وستجد بعض الصعوبة في البداية ولكن ستجد أنك بعد مدة أنك فعلاً تعودت على الوضع الجديد وأصبح الجديد السوي أحب إليك واقرب إلى قلبك من الوضع القديم الذي كان فيه سلوك غير طيب 0 وكل تلك هي أسباب تعمل بإذن الله..
4ـ عقلك الباطن عندما تعمل التطبيقات المطلوبة بالموارد الموجودة لديك فإنه يساعدك بإذن الله على بلوغ هدفك الغير موجود لديك ، مثال : أريد أن أكون سعيد نفسيا ً(هدف )
عندما أبتسم وأتقن التنفس ، وأغير بعض ترتيبات الحياة كممارسة التنزه والمشي ، والعمل الخيري وغير ذلك 0
أجد نفسي فعلا اقترب من السعادة مهما كان حجم المشكلات!!
5ـ العقل الباطن حر وطليق ويحب الثقة والحريّة ، فيجب أن تعطيه الثقة وتتعود عليها 0
وكذلك الحريّة ، فعليك التخلص من الأعباء الزائدة على نفسك ككثرة الارتباطات وكثرة المواعيد ونظم حياتك لتكون للحريّة وخاصة العقلية مساحات هائلة 0
6ـ العقل الباطن مخزن للمشاعر ، فعليك أن تراقب مشاعرك وتغذيه بالمشاعر الطيبة والسارة والإيجابية كالفرح واللذة الحلال والأمن والسلام ، وعليك أن تخلصه وبسرعة من المشاعر السلبيّة كالخوف ، والحقد والخبث والخداع والطاقات السالبة ، وعليك أن تبعد عنه الشيطان فهو شر يلوثه بالوساوس والأعمال الشريرة والشؤم 0
7ـ العقل الباطن يربط ويستدعي المتشابهات ، لأنه بمجرد تفكيرك بشيء يستعيد العقل كل ما يشابهه كما انه قد يعمل قانون الجذب هنا أي ، إذا فكرت في الشر دائماً وفي الشؤم وبمشاعر سوف ينجذب إليك قانوناً فأحسن الظن في الله وفسر الظواهر وأعمال الناس بالخير وردد الكلمات الطيبة ، مثل : يصير خير ، كل شيء على ما يرام ، نجحنا، جيد ، نحن بصحة جيدة، وإياك أن تردد الكلمات الغير طيبة حتى ولو بالمزح ،عليك أن تحسن الظن ، وتبتعد عن الخداع والمراوغة وغير ذلك من السلوكيات السيئة0
كيفية التواصل مع العقل الباطن :
1ـ ينبغي قبل التواصل مع العقل الباطن تحديد الهدف بوضوح وبساطة ، وبصيغة الحاضر ، كأن يكون الهدف زيادة الثقة بالنفس ، إزالة شعور سلبي ، زيادة الحماس لتحقيق هدف أو عمل معين 0 الرغبة في إنجاز عمل معين 0 بمعنى عدم إدراج عبارة للمستقبل مثل : ( سأشعر بالراحة ولكن يقول بدأت أشعر بالراحة ) فالأول للمستقبل والثاني للحاضر وكذلك عليه أن يحذر من استخدام أدوات النهي لأن العقل الباطن يرفض الضغط والقهر ( فلا يقبل أن يبرمج مثلاً لا تستسلم للإحباطات ) وأفضل منها أن يبرمج ( أنا واثق من نفسي ، وأقاوم الإحباطات 0
ولكن لا يعني ذلك أنه يرفض كل الرسائل المبدوءة بالنهي ، بدليل قبولنا للمنهيات الواردة في القرآن والسنة لأنها لا تشعرنا بالضغط والقهر ، بل نعلم أنها من لدن الحكيم الخبير : { ألا يعلم من خلق وهو اللطيف الخبير } 0 ولكنه يرفض فقط ما يشعره بالضغط والقهر 0
2ـ يستحسن كتابة الهدف المراد برمجته في العقل الباطن وكتابة أسباب قوية وعديدة تدفع الشخص لتحقيق ذلك الهدف 0
3ـ قراءة الهدف وأسبابه باستمرار حتى يألفها العقل الواعي ومن ثم ينقلها للعقل اللاواعي وبالتكرار يتم برمجته في العقل اللاواعي ( الباطن ) 0
ويكون التواصل مع العقل الباطن بإحدى الطرق الآتية :
1ـ الاسترخاء التام باستخدام التنفس العميق المساعد على الاسترخاء ( شهيق قصير من الأنف ، ثم إبقاء الأكسجين لفترة قصيرة داخل الجسم ، يتبعه زفير طويل من الفم مع إعطاء الجسم إيحاء بالإسترخاء تدريجياً ) وبعد الوصول لتلك المرحلة يستطيع الإنسان أن يُرسل ما شاء من رسائل لعقله الباطن بشرط أن تكون الرسائل مرتبطة بمشاعر قوية ويقين بتحقق الهدف وبعبارات متكررة وتأكيدات لغوية إيجابية في صيغة الحاضر ( كأن يقول : أنا إنسان ناجح ، أحقق أهدافي دائماً )، إذا أراد أن يكون إنساناً ناجحاً ، ولا يستخدم عبارات مثل سأصبح إنساناً ناجحاً ، وهكذا 00
2ـ التخيل الابتكاري بأنه حقق كل أهدافه مع وجود مشاعر كافية بإمكانية التحقيق على أن يكون ذلك وهو في حال الاسترخاء أيضاً 0
3ـ التأمل الذاتي وهذا أمرٌ يحتاج إلى تدريب ٍمستمر حتى يصل الإنسان لمرحلة القدرة على التركيز في الفراغ أو التفكير في لاشيء وهو من الصعوبة بمكان ، ومتى استطاع الإنسان الوصول لمرحلة التأمل الذاتي ، يكون قادراً على الاتصال بعقله الباطن 0
4ـ التنويم بالإيحاء حيث يمكن بسهولة كبيرة بث الرسائل الإيجابية المطلوبة للشخص المُنوّم 0وذلك عن طريق التواصل مع عقله الباطن بشرط أن يوافق الشخص على مبدأ التنويم ويعرف الغرض منه حقيقةً التواصل مع العقل الباطن تصنع لنا الشيء الكثير ، وتغير حياة الإنسان بطريقة رائعة ، وهذه دعوة أوجهها للجميع للإستفادة من تلك القوة الهائلة 0وهذا يعني أن الكنز الحقيقي بداخلنا ، فلماذا نبحث خارجاً ؟؟!! إنه العقل الباطن ذو الطاقة الهائلة ويمكن أن نبرمجه بما نريد وسيشرع هو فوراً في التنفيذ ( بإذن الله تعالى ) 0
و أختم بالقول ( راقب ما تقول ، عليك أن تنتبه لكل كلمة مهما كانت تافهة ، ولا تقل أبداً كلمات مثل : إنني سوف أفشل ، إنني غير محبوب ، لا أستطيع أن أفعل كذا ، لا أستطيع مواجهة الجمهور 000الخ )، بل ولا تفكر أيضاً مثل هذا التفكير لأن عقلك الباطن لا يأخذ الأمر بشكل هزلي ، بل إنه يشرع في التنفيذ ، وحينها تكون ( على نفسها جنت براقش ) 0 أرسل دوماً رسائل إيجابية لعقلك الباطن بمشاعر حقيقية وسينفذ لك الرسالة 0

[××خواطـرشـوق××]

سعيده بمرورك دكتور

وشاكره لك اضافتك الرائع المفيده بكل تقدير